Финансиски лизинг
Отплата на возилото на еднакви месечни рати. Со отплата на последната рата, стекнувате сопственост над возилото.
Овој начин на финансирање е наменет пред сѐ за клиенти што сакаат да го задржат возилото по истекот на договорот. Погоден е и за компании што сакаат да го амортизираат возилото во нивните деловни книги.
САКАТЕ ДА ПОДНЕСЕТЕ БАРАЊЕ ЗА ЛИЗИНГ?
Доколку сакате да поднесете барање за финансиски лизинг и ве интересира која документација е потребна за одобрување на финансирањето, дознајте повеќе детали со преземање на барањето за финансирање.
Потребна документација
ОПШТИ УСЛОВИ ЗА РАБОТЕЊЕ
Корисни информации што можат да ви помогнат при донесување одлука за реализација на финансиски лизинг.
Дознај повеќе
ДОПОЛНИТЕЛНИ ИНФОРМАЦИИ
НАЈЧЕСТИ ПРАШАЊА – ФИНАНСИСКИ ЛИЗИНГ
Финансискиот лизинг е вид на финансирање што подразбира постоење на три страни: корисник на лизинг, давател на лизинг и испорачател. Тоа претставува модерен начин на финансирање и пред сè е наменет за клиентите што по истекот на договорот сакаат да го откупат возилото. Овој вид лизинг е исто така соодветен и за фирмите што сакаат да го амортизираат возилото во деловните книги, со оглед на тоа што истото се евидентира како финансиска сопственост на корисникот на лизинг.
За разлика од кредитот, по пат на финансиски лизинг се финансира конкретен предмет што станува сопственост на корисникот на лизинг дури откако ќе биде исплатена последната рата. Кај договорот за финасирање преку кредит правен и економски сопственик на возилото е корисникот на кредит.
Основна разлика помеѓу финансискиот и оперативниот лизинг е во тоа што финансискиот лизинг претставува финансирање на купувањето (корисникот на лизинг станува сопственик на предметот на лизинг со исплата на последната лизинг рата), додека оперативниот лизинг (закупот) е замислен како користење на предметот на лизинг. Кај оперативниот лизинг возилото се дава на користење, што е многу слично на рент а кар. По завршувањето на периодот на закуп не доаѓа до промена на сопственоста, туку возилото се враќа на закуподавецот. Оперативниот лизинг најмногу одговара на фирмите што релативно често го менуваат возниот парк.
Порше Лизинг финансира патнички и комерцијални возила од брендовите Volkswagen, Porsche, Audi, SEAT, Škoda и MAN. Предметот на лизинг може да се одбере во салоните на нашите овластени дилери за Volkswagen, Porsche, Audi, SEAT, Škoda и MAN.
Периодот на финансирање зависи од кредитната способност на клиентот (способност за плаќање), износот на финансирање и предметот на закупот. Најдолгиот период на финансирање е 7 години.
Висината на учеството се одредува според бонитетот на клиентот и се движи во интервалот од 15% до 50%.
Во финансискиот лизинг ратата не треба да биде поголема од 40 % од вкупните редовни приходи на тоа лице, при што предвид се земени и другите лизинг/кредитни обврски што клиентот веќе ги има. Ограничувањето на висината на ратата кај правните лица се одредува според бонитетот на клиентот.
Ратите се со варијабилна каматна стапка за ЕУР и е врзана на тримесечен EURIBOR. Во случај на пораст на тримесечниот EURIBOR, ќе дојде до промена на ратата.